Vulmawi is the legendary music band of the Chin-Mizo-Kuki world, the inhabitants of Burma, India and Bangladesh where the  world’s social and technological advancement had not taken place in their time.   The band introduced rock music to their society,  revolutionizing the traditional music style. They are known for their unique music and stage performances during their age. Vulmawi celebrated their 40th Anniversary, which their longtime fans longingly awaited, in November 2018 in Tahan, their home town in Burma.
Vulmawi Music Band
Zofate chenna, Burma, India leh Bangladesh ram thumin a cheh Zo (Chin) ram chu 1760 vela Europe ram industrial revolution in changkanna a puak chhuah chu hre ve lo ang maiin hmasawnna in a la chiahhneh lo hle mai a. 1970 chho vel pawh hian khawvel hmasawnna leh rimawi leh a kaihhnawih thilah pawh a la sang lo ang reng hle. Duh duh huna Cassette leh Radio ngaihthlak tur nei an la tam lo hle a, music instrument changkang sawiloh hollow guitar pakhat neih pawh a la harsa ngang mai.

Chutiang dinhmun harsa tak atangin Zofate zingah  rimawi ruihchilha mahni irawm chhuak ngei pho chhuak duh valrual an lo piang chhuak a. Khawchhak Zofate khawpui pakhat, Falam atangin unau tuak hnih in bultanin Tahan lamah insuan thla lehin drum khuang aiah herhsawp vuain Burma siam hollow guitar banpuar lian tak tak hrui sang bawk si zutin thal khawlum leh thosi karah mahni irawm chhuak hla te zirin rimawi chu an rem ve tluk tluk thin a. Chung valrual te chuan an band hming a tan VULMAWI tiin a sakhming an chawi ta a.

1976 chawhnu a han her chhuah meuh chuan Zofate tan band anga stereo album hmasaber tur chu an puitlin ve ta hram a. Sum leh pai harsatna avangin studio thar, la changtlung lo tak bak an bel thei silova an duhthu erawh a sam lo ang reng hle. An beisei ber Zofate hla thluk kul deuh Foxtrot leh Chacha beat deuh hlira siam te chu revolution siamin rock music chu Zofate benga hnawh luh an tum ve ran a. An album hmasaber  chu Tumchhingi leh Raldawna tiin album hming an vuaha he album ah hian an hla nem "Ka Nuam Ve E" tih chu hriat hlawh ber pawl a ni awm e..